အစားအစာတွေနဲ့ အတူ အခေါင်းတွေပါ ထည့်လှူတဲ့ ထူးထူးခြားခြားအလှူ

အဖွဲ့တစ်ဖွဲ့ဟာ အဘိုးအဘွားတချို့ကို စားစရာတွေအပြင် အခေါင်းတွေကိုပါ လှူဒါးနေတဲ့ပုံတွေဟာ ဆိုရှယ်မီဒီယာတွေပေါ်မှာ ပျံ့နှံ့လျှက်ရှိပါတယ်။ ဘယ်မှာဖြစ်တာလဲလို့ ရှာဖွေကြည့်တဲ့အခါမှာတော့ ဒီဖြစ်စဉ်ဟာ ကမ္ဘောဒီးယားနိုင်ငံ Kampong Thom ပြည်နယ်မှာဖြစ်ခဲ့တာဖြစ်ပါတယ်။

ပြည်နယ်အစိုးရက ဒီဖြစ်စဉ်ကို စစ်ဆေးကြည့်တဲ့အခါမှာတော့ Vital Water Company ဟာ Wat Andout Borey အရပ်က အဖိုးအဖွား ၂၀၀ ကျော်ကို အလှူအတန်းပြုလုပ်ရင်း အခေါင်းတွေပါ ထည့်သွင်းလှူခဲ့တာဖြစ်ကြောင်းသိရပါတယ်။

ဒီအစီအစဉ်ကို ပြုလုပ်ခဲ့သူကတော့ ကုမ္ပဏီသူဌေးကြီးရဲ့ ဇနီးဖြစ်ပြီး ခင်ပွန်းဖြစ်သူမွေးနေ့အတွက် ထူးထူးခြားခြားအလှူအနေနဲ့ ပြုလုပ်ခဲ့တာဖြစ်ပါတယ်။ သူမရဲ့ မိတ်ဆွေတွေက အခေါင်းတွေမပါပဲ ဒီအတိုင်းလှူဖို့ပြောခဲ့ပေမယ့် သူမကတော့ သူမရဲ့အစီအစဉ်ကို နောက်မဆုတ်ပဲ အကောင်အထည်ဖော်ခဲ့တာဖြစ်ပါတယ်။

သူမဘာကြောင့် ဒီအလှူလုပ်သလဲ ဆိုတာကို တိတိကျကျမသိရပေမယ့် အလှူကိုလက်ခံတဲ့ အဖိုးအဖွားတွေမျက်နှာမှာတော့ အစားအစာတွေအတွက် ၀မ်းသာရမလို အခေါင်းလှူတဲ့အတွက်ဝမ်းနည်းရမလို အမူအရာတွေဖြစ်နေကြပါတယ်။

ဇနီးဖြစ်သူရဲ့ အလှူအတွက် သူဌေးကြီးကတော့ “ဒီနေ့ ကျွန်တော့်ရဲ့မွေးနေ့ဆိုတာကို ကျွန်တော်မေ့နေတယ်ဗျ။ မမေ့တဲ့သူတစ်ဦးကတော့ ကျွန်တော့မိန်းမပါ။ သူဟာ ကျွန်တော့်မွေးနေ့မှာ ကျွန်တော်ကြီးပြင်းခဲ့ရာ Wat Andout Borey က ချို့တဲ့နွမ်းပါးတဲ့ အဘိုးအဘွား ၂၄၀ ကို အစားအစာတွေနဲ့ အခေါင်းတွေလှူခဲ့ပါတယ်။

အခေါင်းလှူတာကတော့ ထူးဆန်းပေမယ့် ကျွန်တော်တို့ဟာ တစ်နေ့နေ့တချိန်ချိန်မှာသေကြမှာပဲလေ။ ဒီလိုသေကြတဲ့အခါမှာ အခေါင်းမ၀ယ်နိုင်မှာ မပူရတော့ဘူးပေါ့။ ဘာပဲဖြစ်ဖြစ် ထူးဆန်းတဲ့လက်ဆောင်ပေးတဲ့ ကျွန်တော့မိန်းမကို ကျေးဇူးတင်ပါတယ်” လို့ ဆိုပါတယ်။

ဒီထူးခြားတဲ့ အလှူအတွက် ဆိုရှယ်နက်ဝဘ်တွေပေါ်မှာတော့ ထုံးစံအတိုင်း အမျိုးမျိုးထင်မြင်ချက်တွေပေးကြပါတယ်။

သေခြင်းတရားကို နီးနီးကပ်ကပ်မြင်ရပြီး သံဝေဂ ရနိုင်တာကြောင့် ပိုပြီးကုသိုလ်ရတယ် လို့ ဆိုသူတွေက ဆိုသလို ၊ အဘိုးအဘွားတွေကို စိတ်ဓာတ်ကျပြီး မြန်မြန်သေအောင် လုပ်နေတာ ၊ မလုပ်သင့်ပါဘူး လို့ ဆိုသူတွေကလည်း ဆိုကြပါတယ်။ ဘာပဲဖြစ်ဖြစ် ကမ္ဘောဒီးယားသူဌေးကြီးရဲ့ မွေးနေ့အလှူဟာ ထူးထူးဆန်းဆန်း အလှူတစ်ခုဖြစ်ခဲ့မှာတော့ အမှန်ပါပဲ။  Credit – Thutazone

minkoko110