အမျိုးသမီးများ လိင်အကြမ်းဖက်ခံရမှုကိုရိုက်ကူးထားသည့်မှတ်တမ်းရုပ်ရှင် အကောင်းဆုံးဆုရ

ပဋိပက္ခဒေသတွင်းက ကချင်နှင့် ရိုဟင်ဂျာ အမျိုးသမီးတွေရဲ့ လိင်ပိုင်းဆိုင်ရာ အကြမ်းဖက်ခံရမှုတွေအပေါ် အခြေခံ ရိုက်ကူးထားတဲ့ ” အမေ၊ သမီး၊ အစ်မ” အမည်ရှိ မှတ်တမ်းရုပ်ရှင်ဟာ UN Women အဖွဲ့ က ဆန်ဖရန်စ္စကိုမြို့မှာ ပြုလုပ်တဲ့ UN Women Global Voices Film Festival မှာ အကောင်းဆုံး မှတ်တမ်းရုပ်ရှင်ဆုကို ယမန်နေ့က ရရှိခဲ့ပါတယ်။

“သူတို့အနေနဲ့ လူ့အခွင့်အရေးနဲ့ ပတ်သက်တဲ့ အမျိုးသမီးတွေ၊ လိင်အကြမ်းဖက်မှုတွေနဲ့ ပတ်သက်ပြီးတော့အဓိကလုပ်ချင်တယ်ဆိုပြီး လာတာပေါ့နော်။ အင်တာဗျူးဖို့ကြတော့ ခံရသူတွေက မျက်နှာကို ဖော်ပြီး ပြောဖို့ က အခက်အခဲရှိတယ်။ ဒီရုပ်ရှင်မှာ ကချင်ဆရာမ ၂ ဦးရဲ့ မိသားစုဝင် တွေလည်းပါတယ်။ ဆုရတာ အများကြီးကောင်းပါတယ်။ လိပ်ပိုင်းဆိုင်ရာ အကြမ်းဖက်ခံရတဲ့ အမျိုးသမီးတွေအတွက် အထောက်အကူပြုမှုတွေ ပေးလာနိုင်ရင် ကောင်းမှာပါ။”လို့ ဆုရမှတ်တမ်းရုပ်ရှင်အတွက် အကူအညီပေးခဲ့တဲ့ KWAT မှ မဆန်ထွယ်က ပြောပြပါတယ်။

အဆိုပါ ဇာတ်ကားကို ဒါရိုက်တာ Jeanne Marie Hallacy က သူ့ရဲ့လုပ်ဖော်ကိုင်ဖက်တွေနဲ့ အတူ ဒေသတွင်းနေရာများမှာ သွားရောက် ရိုက်ကူးခဲ့တာဖြစ်ပါတယ်။

Jeanne Marie Hallacy ဟာ လူ့အခွင့်အရေးနဲ့ တရားမျှတရေးဆိုင်ရာ ကိစ္စရပ်တွေနဲ့ပတ်သက်ပြီး ဇာတ်လမ်းများရိုက်ကူးပုံဖော်ခဲ့တာ ၂၅ နှစ်ခန့်ရှိပြီလို့ UN Women ရဲ့ Global Voices Film Festival ဝက်ဆိုက်ဘ် ဖော်ပြချက်အရ သိရပါတယ်။

မေစစ်ပိုင်/ဧရာဝတီ

Media Links Team

Leave a Reply

Your email address will not be published. Required fields are marked *

Post comment