သြစတြေးလျတွင် မျက်လုံး ၃ လုံးပါ အံ့ဖွယ်ထူးခြား မြွေဟောက်တကောင် တွေ့ရှိ

သြစတြေးလျနိုင်ငံမြောက်ပိုင်း အဝေးပြေးလမ်းမပေါ်မှာ တွေ့ရှိခဲ့တဲ့ မျက်လုံး ၃ လုံးပါ အံ့ဖွယ်ထူးခြား မြွေဟောက်တကောင်ရဲ့ ဓာတ်ပုံတွေကို သားရိုင်းတိရစ္ဆာန် ထိန်းသိမ်းရေးဌာန တာဝန်ရှိသူတွေက မျှဝေခဲ့ကြပါတယ်။

မြောက်ပိုင်းဒေသ ပန်းခြံများနှင့် သားရိုင်းတိရစ္ဆာန်ဆိုင်ရာ ဌာနကတော့ ခုလိုတွေ့ရှိမှုဟာ တကယ့်ကို အံ့အားသင့်စရာဖြစ်တယ်လို့ ဆိုပါတယ်။

ပညာရှင်တွေကတော့ မြွေရဲ့ နောက်ထပ် တတိယမြောက်မျက်လုံးက ဦးခေါင်းထိပ်တည့်တည့်မှာ ရှိနေတာဟာ သဘာဝမျိုးဗီဇတခုကြောင့် ဖြစ်နိုင်တယ်လို့ ပြောနေကြတာပါ။

နယ်မြေရှင်းလင်းရေး ဝန်ထမ်းတွေဟာ ဒီ ထူးဆန်းတဲ့မြွေကို ဒါဝင်မြို့ အရှေ့တောင်ဘက် ကီလို ၄၀ အကွာ ဟမ်ပတီဒူးမြို့အနီးမှာ တွေ့ရှိခဲ့ကြတာပါ။

အလျား ၁၅ ပေရှိတဲ့ ဒီမြွေကြီးဟာ သူ့ရဲ့ မျိုးဗီဇဆိုင်ရာ ပြဿနာကြောင့် အစာစားဖို့တောင် ခက်ခက်ခဲခဲ ရုန်းကန်နေရတယ်လို့ တာဝန်ရှိသူတွေက ဘီဘီစီကို ပြောပါတယ်။

အိပ်ပ်စ်ရေး (X-Ray) ရိုက်ပြီး စမ်းသပ်စစ်ဆေးမှုတွေအရ ဒီမြွေဟာ ဦးခေါင်း ၂ လုံး တွဲဆက်လျက်သား ရှိနေတာမဟုတ်ဘဲ ဦးခေါင်းခွံတလုံးတည်းမှာပဲ မျက်လုံး ၃ လုံး ပါဝင်နေတာလို့ ဆိုပါတယ်။

ကွင်းစလန်တက္ကသိုလ်က မြွေအထူးပြုပညာရှင် ပါမောက္ခ ဘရိုင်ယန်ဖရိုင်းက မျိုးဗီဇ ပြောင်းလဲမှုဟာ ပြောင်းလဲမှုဖြစ်စဉ်ရဲ့ သဘာဝအစိတ်အပိုင်းတခု ဖြစ်တယ်လို့ ပြောလိုက်ပါတယ်။

“ကျနော်တို့ မျက်လုံး ၃ လုံးပါတဲ့ မြွေကို အရင်က မတွေ့ခဲ့ဖူးပါဘူး။ ဒါပေမယ့် ခေါင်း ၂ လုံးပါတဲ့ မြွေဟောက်တကောင်တော့ ကျနော်တို့ စမ်းသပ်ခန်းထဲမှာ ရှိပါတယ်။”

DVB Burmese

Media Links Team

Leave a Reply

Your email address will not be published. Required fields are marked *

Post comment