စီးပွားရေးမှာ အောင်မြင်ဖို့ မှတ်သား လိုက်နာကျင့်သုံးသင့်တဲ့ အမူအကျင့်လေးများ

၁။ တက်ကြွသူ ၊ အောင်မြင်သူဖြစ်ပါစေ။
အလုပ်မှန်သမျှ မကြောက်သူ ၊ စိန်ခေါ်သူဖြစ်ပါစေ။ အလုပ်နှင့် ပတ်သတ်လာရင် ခေါင်းညိတ်သူဖြစ်ပါစေ။ ခေါင်းခါသူ မဖြစ်ပါစေနဲ့။

၂။ ပြီးပြည့်စုံတဲ့ အနေအထားကို မစောင့်ပါနဲ့။
ဘယ်တော့မှရမှာ မဟုတ်လို့ပါပဲ။ အနာဂတ်မှာ အနှောင့်အယှက် အခက်အခဲတွေ သေချာရှိမယ်ဆိုတာ တွက်ပြီးထိပ်တိုက်ဖြေရှင်းပါ။

၃။ အကြံသက်သက်နှင့် အောင်မြင်မှုကို မရနိုင်။
အကြံဥာဏ်ပေါ်မှာ လက်တွေ့လုပ်ဆောင်မှု ထပ်ပေါင်းမှ တန်ဖိုးရှိပါလိမ့်မယ်။

၎။ ကြောက်စိတ်ကိုဖျောက်ပြီး ယုံကြည်မှုရဖို့ လှုပ်ရှားမှုကိုသုံးပါ။
‘ဘာကိုကြောက်တာလဲ’ လိုက်စစ်ရင် သေသေချာချာကြည့်ရင် ကြောက်စိတ်အလိုလိုပျောက်သွားပါလိမ့်မယ်။ မယုံရင်စမ်းကြည့်ပါ။

၅။ စိတ်အင်ဂျင်ကို ယန္တရား ဆန်ဆန်နှိုးပါ။
စိတ်ကြွလာအောင် မစောင့်ပါနဲ့။ လှုပ်ရှားပါ။ ဈာန်သွင်းပါ။ စိတ်ကအလိုလိုကြွပါလိမ့်မယ်။
( စာရေးဆရာတစ်ယောက် စာရေးဖို့ဈာန်မ၀င်ပေမယ့်။ စရေးလိုက်တဲ့အခါ တဖြည်းဖြည်းဈာန်ဝင်ပြီးရေးနိုင်သွားသလိုမျိုးပါ)

၆။ ‘အခုချက်ချင်း’ ဆိုတဲ့ အသုံးအနှုန်းကို လက်ကိုင်ထားပါ။
အလုပ်တစ်ခုကို နေ့ရွေ့ညရွေ့ ၊ နှစ်ရွှေ့လရွေ့ နှင့်ဘယ်တော့မျှ လုပ်ဖြစ်မှာမဟုတ်ပါဘူး။ ငါဟာ အခုချက်ချင်းထလုပ်တဲ့သူမျိုး ဖြစ်ပါစေ။
(ဒီနေရာမှာ လုပ်သင့် လုပ်နိုင်ရဲ့သားနဲ့ အချိန်ဆွဲနေတာမျိုးကိုပြောခြင်းပါ)

၇။ အလုပ်ကို မဆိုင်းမတွ စ,ပါ။
ဟန်ရေးပြင်ပြီး အချိန်မကုန်စေပါစေနှင့်။
(ဘယ်လိုကြီးကျယ်ခမ်းနားတဲ့အလုပ်ကြီးကို စလုပ်မယ်ပြင်ပြီး အစကနေ မတက်ခြင်းပါ)

၈။ ရှေ့ဆောင်တီထွင်မှုကို အရယူပါ။
စွန့်စားရဲတဲ့သူဖြစ်ပါစေ။ အခွင့်အရေးကို ရှေ့ဆုံးကကောက်ပြေးပါ။ စေတနာ့ဝန်ထမ်း အလုပ်ကိုပျော်မွေ့တတ်ပါစေ။ အဲဒီအလုပ်တွေအတွက် ကိုယ့်မှာ မွန်မြတ်တဲ့ရည်မှန်းချက် နှင့် စွမ်းအားတွေရှိကြောင်းပြသပါ။

ကဲ…စက်တော့နှိုးပြီးပြီ။ ဂီယာထိုးပြီး မောင်းပေတော့..

– ဆရာညီညီနိုင် ရဲ့ တိမ်မြင့်စံအတွေးများစာအုပ်မှ

minkoko110